Ubwicanyi bw’abagororwa 37 bivugwa ko bwakozwe hagati yabo ubwabo, bwabereye muri gereza ya El Rodeo mu gihugu cya Venezuwela kuri uyu wa gatatu tariki 16 Kanama 2017. Iperereza ryahise ritangira by’umwihariko ku bacungagereza.

Ubwicanyi bwahitanye abagororwa 37 muri gereza ya El Rodeo mu gihugu cya Venezuwela abandi bagakomereka, bwabaye kuri uyu wa gatatu tariki 16 Kanama 2017. Ubu bwicanyi bwavugishije abatari bacye ndetse buhagurutsa ubuyobozi butangira iperereza.

Umushinjacyaha wa Leta, yatangaje ko yohereje abashinjacyaha babiri mu gikorwa cy’iperereza kuri ubu bwicanyi ku gira ngo hasuzumwe niba abashinzwe gucunga gereza nta ruhare baba bagize muri ubu bwicanyi.

Imiryango ibiri mpuzamahanga ishinzwe kurengera uburenganzira bw’abagororwa ariyo; Una Ventana a la Libertad na Observatorio Venezolano de Prisiones, nkuko amakuru dukesha Le Monde abitangaza, yatangaje ko abagororwa bishwe bose ari abari bafungiye muri iyi gereza.

Ubu bwicanyi bwabereye muri iyi gereza iherereye mu majyepfo y’iki gihugu cya Venezuwela, bivugwa ko intandaro yabwo yaba ahanini iterwa ngo n’umubare munini w’abagororwa barenze ubushobozi bw’abagomba kwakirwa n’iyi gereza.

Ubu bwicanyi bwahitanye abagororwa 37 ndetse abasaga 18 bagakomereka, si ubwambere bubaye muri gereza z’iki gihugu, mu kwaka wa 2016 nabwo ngo habaye ubwicanyi nkuko imirango imwe nimwe itagengwa na leta yabitangaje irimo na Una Ventana a la Libertad aho itangaza ko intandaro ari umubare mu nini w’abagororwa urenze ubushobozi bwa za gereza zibakira.

 Kanda hano ujye ubona amakuru y’iwacu kandi isaha ku isaha kuri Facebook no kuri twitter

Murekezi Zacharie / intyoza.com