Igikombe kitiriwe “Umurenge Kagame Cup” cyatangiye gukinirwa kuri uyu wa gatanu tariki 2 Werurwe 2018. Imirenge yose uko ari 12 igize akarere ka Kamonyi yahuye itandatu ivamo ku ikubitiro. Ni amakipe y’abahungu n’abakobwa.

Mu rwego rwo guhatanira igikombe cyitiriwe ” Umurenge Kagame Cup” binyuze mu mikino ihuza imirenge hakavamo uzahagararira akarere ka Kamonyi, kuri uyu wa gatanu tariki 2 Werurwe 2018 imirenge 12 igize akarere ka Kamonyi yahuye, iresurana itandatu irakomeza indi itaha itarenze umutaru.

Dore uko amakipe yesuranye haba mu bahungu n’abakobwa:

1) Kayenzi na Karama, hatsinze Kayenzi  kuri penaliti 5_4 za Karama mu bahungu mu gihe abakobwa ba Kayenzi batsinze batababariye Karama 5-0

2) Runda y’abahungu yatsinze Rugarika 2-1 mu gihe abakobwa nabo Runda yatsinze Rugarika 2-1.

3) Mugina y’Abahungu yatsinze Nyamiyaga 1-0 mu gihe abakobwa Mugina yatsinze Nyamiyaga kuri Penaliti 3-2

4) Nyarubaka y’abahungu itsinze Kayumbu 1-0 mu gihe Abakobwa ba Nyarubaka batsinze aba Kayumbu 3-0

5) Rukoma y’Abahungu yatsinze Ngamba 1-0, Abakobwa ba Ngamba batsinda Rukoma 3-0

6) Gacurabwenge y’Abakobwa yatsinze Musambira 3-0 mu gihe Abahungu ba Gacurabwenge batsinze 2-0 Musambira

Umurenge wa Rukoma, ni umwe mu mirenge ifite ikipe imaze iminsi yitegura ndetse ikaba ifite imihigo yo gutwara igikombe. Ubuyobozi bw’uyu Murenge bwatangarije intyoza.com ko mu cyifuzo na gahunda bafite byose biganisha ku kuzana igikombe mu murenge wa Rukoma nubwo nta kipe ijya mu irushanwa idashaka gutsinda. Amakipe yatsinze niyo azakomeza mu kindi kiciro.

intyoza.com