Umukuru w’Igihugu cy’Uburundi, Evariste Ndayishimiye na Minisitiri we w’Intebe, Alain Guillaume Bunyoni kuri uyu wa 28 Kamena 2020 bashyizeho Guverinoma Nshya igizwe n’abaminisitiri 15. Minisiteri y’Ingabo bayiragije umusivile, mu gihe batanu muri iyi Guverinoma bayisanzwemo.

Nk’uko bigaragara mu iteka ryashyizweho umukono na Perezida Ndayishimiye na Miinisitiri w’intebe, Alain-Guillaume Bunyoni, iyi Guverinoma igizwe n’abaminisitiri 15. Batanu muribo bari bayisanzwemo, ni uw’Imari ya Leta, uw’Uburezi, uw’Ubuzima, uw’Ibidukikije, n’uw’Umuryango w’Afurika y’uburasirazuba-EAC.

Minisitiri w’ububanyi n’amahanga muri iyi Guverinoma ni mushya: Ambasaderi Albert Shingiro wari usanzwe ahagarariye Uburundi mu Muryango w’Abibumbye. Minisitiri w’Ubutegetsi bw’Igihugu n’Umutekano wa rubanda nawe ni mushya: Commissaire de Police Chef Gervais Ndirakobuca (uri ku rwego rwa jenerali). Kimwe na minisitiri w’Intebe, nawe ari mu Barundi bafatiwe ibihano n’Umuryango w’Ubumwe bw’Ubulayi hamwe na Leta zunze ubumwe z’Amerika. Babarega guhohotera uburenganzira bw’ikiremwa muntu.

Minisitiri w’Ingabo z’Igihugu nawe nkuko ijwi rya Amerika dukesha iyi nkuru ribitangaza, ni mushya kandi ni Umusivili. Ni Ingenieur Alain Tribert Mutabazi, wari usanzwe ari Guverineri w’Intara ya Kirundo.

Munyaneza Theogene / intyoza.com