CNL, ishyaka ritavuga rumwe na Leta y’u Burundi, ari naryo riherutse kwegukana umwanya wa kabiri mu matora y’umukuru w’Igihugu aheruka, rivuga ko ibikorwa by’iterabwoba bikomeje gukorerwa abayoboke baryo, inzu zaryo zigakomeza gusenywa.

Abayobozi b’iri shyaka CNL ritavuga rumwe na Leta, bavuga ko ibi bikorwa by’iterabwoba n’ubwangizi bifite impamvu za Politiki mu gihe kuri uyu wa 20 Nyakanga 2020, hasigaye iminsi ibiri gusa ngo habe amatora y’abakenguzamateka/Abasenateri.

Umuvugizi w’ishyana CNDD-FDD riri ku butegetsi mu Burundi, asaba ishyaka CNL kwegera inzego zibishinzwe rikagaragaza ikibazo cyaryo. Mu matora y’umukuru w’igihugu aheruka yanashyize Perezida Evariste ndayishimiye ku butegetsi, iri shyaka ryarayitabiriye ribona umwanya wa kabiri ariko rivuga ko ritemera ibyayavuyemo n’ibyatangajwe na CENI.

Umuvugizi w’iri shyaka, Terence Manirambona, yabwiye BBC dukesha iyi nkuru ko ibirimo kuba ubu bidatandukanye n’ibyabaye mu matora, aho avuga ko abantu babo bahohotewe, bagafungwa barenganywa.

Avuga ko kuva nyuma y’amatora, abayoboke b’iri shyaka CNL bakomeje gutotezwa, bagahagarikwa bagafungwa ntacyo bazira, inzu zabo zigatwikwa n’ahari inyubako bakoreramo hagasenywa.

Avuga ko gushyika ubu, ingoro/ibiro zishika eshanu mu gihugu zimaze kubomorwa/gusenywa mu ntara za Gitega, Rumonge na Muyinga kuva nyuma y’amatora yo ku wa 20 Gicurasi 2020.

Agira ati: ” Muri kino gihe hasigaye iminsi ibiri kugira ngo habe amatora y’abakenguzamateka/Abasenateri, abatowe ku rwego rw’abahanuzi b’amakomine, ari nabo bazotora abakenguzamateka, bariko barirukwako, cane cane mu burere umugambwe/ishyaka CNL aho bigaragara ko ushobora kugira ijambo”.

Atanga urugero ko muri komine Kayanza y’intara ya Kayanza aho avuga ko hamaze gufungwa babiri, hamwe no mu murwa mu kuru wa Bujumbura avuga ko “babaterefona babategeka ingene bategerezwa gutora”.

Avuga kandi ko abarimo bakora ibyo bikorwa, bakoresha amanomero ya terefone atazwi, ariko ko “hari n’ababaterefona bakababwira ko ari abo mu mugambwe/ishyaka uri ku butegetsi, bakabwira ko batabatoye bazokwibonerako”. Umuvugizi wa CNL avuga ko gushyika ubu abarwanashyaka babo barenga 200 bagifunzwe.

Mu gihe cy’amatora, harabaye uguterana amagambo hagati y’abategetsi hamwe n’abashinzwe umutekano ku ruhande rumwe, n’ishyaka CNL ku rundi ruhande.

Ubutegetsi bwashinje abarwanashyaka ba CNL ko bashatse guhungabanya ibikorwa byo kwiyamamaza mu gihe cy’amatora, ibintu iri shyaka ryahakanye.

Nancy Ninette Mutoni yabwiye BBC ko ibyo ntabyo bazi, kandi ko iyo habaye ingorane ibyiza ari uko babishyikiriza inzego zibishinzwe.

Agira ati: “Mu cyumweru gishize twari kumwe mu nama i Ngozi, ibyo bibazo ntabyo bashikirije, rero nimba byabaye nyuma y’iyo nama, barazi inzira bategerezwa kubicishamo”.

Hagati aho, CNL yo ibona ko ari uburyarya/kubeshya kuko kuri yo imvugo ishikirizwa n’abayoboye ishyaka riri ku butegetsi ntijyana n’ingiro ku rubuga( ntijyana n’ibikorwa).

Munyaneza Theogene / intyoza.com