Ku cyumweru tariki 06 Nzeri 2020, Papa Francis yasabye aba Kristo kwirinda amazimwe, avuga ko ari mabi kurusha coronavirus, avuga ko ashobora gukoreshwa mu gucamo ibice Kiliziya Gatolika ya Roma.

Papa yagize ati: “Nyamuneka, bavandimwe, reka dushyireho umwete kugira ngo tudasebanya. Amazimwe ni icyorezo kibi kurusha COVID”. Ibi Papa yabivuze mu ijambo rye rya buri cyumweru.

Mu magambo ye, Papa Francis yongeyeho ati: “Shitani ni amazimwe akomeye. Buri gihe ahora avuga ibintu bibi ku bandi kuko ari umubeshyi ugerageza gucamo ibice Itorero”.

Papa yagiye yihanangiriza buri gihe aba kristo, ingaruka zo gusebanya ndetse anamagana ibinyoma bikorerwa kuri Murandasi.

Source: Reuters

Inkuru yanditswe na Venuste Habineza