Minisitiri w’uburezi Adamu Adamu, yabitangaje kuri uyu wa 02 Ukwakira 2020. Umuvugizi we Bem Goong yasobanuriye BBC ko amashuri ya Leta yo mu cyiciro cyo hejuru n’amashuri abanza azatangira tariki ya 12 Ukwakira 2020.

Bwana Goong, yavuze ko amashuri agengwa na za leta zitandukanye zigize Nigeria ndetse n’ayigenga azagena uburyo bwayo bwite bwo kongera gufungura.

Yavuze ko inzego zigenzura amashuri makuru na za kaminuza zizashyiraho gahunda y’uburyo ayo mashuri yongera gufungura, zimaze gushyiraho uko hakubahirizwa amabwiriza yo kwirinda coronavirus.

Mu kwezi gushize, nkuko BBC dukesha iyi nkuru ibitangaza, Leta zimwe zari zafunguye amashuri abanza n’ayisumbuye. Kugeza ubu muri Nigeria hamaze gutangazwa abantu barenga 59,000 banduye coronavirus, muri bo abarenga 1,000 yarabishe, nkuko imibare ya Kaminuza ya Johns Hopkins yo muri Amerika ibigaragaza.

Munyaneza Theogene / intyoza.com