Abakozi bashinzwe ubuzima barenga 900 bo mu gihugu cya Kenya basanzwemo coronavirus kuva iki gihugu cyatangaza iyi virus bwa mbere muri Werurwe uyu mwaka wa 2020.

Ibi byatangajwe n’umunyamabanga mukuru w’ubuzima, Dr. Mercy Mwangangi, kuri uyu wa kane tariki 17 Nzeri 2020, ubwo yaganiraga n’abanyamakuru ku makuru ajyanye n’imiterere y’igihugu ku bijyanye n’iki cyorezo. Mwangangi yatangaje kandi ko abashinzwe ubuzima 16 bishwe na coronavirus.

Mwagangi yagize ati: “Kugeza ubu, kuva icyorezo cyatangira, abakozi bashinzwe ubuzima 945 banduye virusi ya corona, mu gihe 16 muri bo bahitanywe nayo mu ntara 35 zo muri iki gihugu”.

Guverinoma ya Kenya yari yabanje kwerekana ko byanze bikunze bamwe mu bakozi bashinzwe ubuzima bandura COVID-19 ariko kwandura ntabwo byari igihano cyo kwicwa kandi ko umuntu afite amahirwe menshi yo kuyikira.

Guverinoma yongeye gushimangira ko yiyemeje kurinda abakozi bayo bose b’imbere ibaha ibikoresho bya ngombwa byo kwikingira mu gihe bagiye mu nshingano zabo.

Muri icyo gihe kandi, Mwangangi yatangaje ko minisiteri yanditse dosiye 183 zemeza ko COVID-19 yibasiye abagera kuri 36.576.

Mwangangi yatangaje kandi ko abandi barwayi 82 bakize virusi bigatuma umubare w’abayikize bagera kuri 23,611. Hagati aho, abandi barwayi batanu bapfuye bazize iyo ndwara ituma abapfuye bagera kuri 642.

Mu gihe guverinoma ikomeje gufungura bimwe mu bikorwa by’ubukungu buhoro buhoro, abashinzwe ubuzima baraburira abantu ko bagomba kwirinda kwishima kuko ikicyorezo gishobora kwiyongera ku bwinshi.

Source: africa.cgtn.com

Inkuru yanditswe na Venuste Habineza