Abantu batari bake bakomeje kwigabiza imihanda bakora imyigaragambyo ari nako bahangana na Polisi nyuma y’urupfu rw’umwirabura George Floyd wishwe bunyamaswa n’umupolisi w’umuzungu. Kuri uyu wa 28 Gicurasi 2020, imyigaragambyo yongeye gushyamiranya abapolisi n’abigabye mu muhanda ku bw’akababaro batewe n’urupfu rw’uyu mwirabura wishwe kuwa 25 Gicurasi 2020.

Abantu barakajwe bikomeye n’urupfu rwa George Floyd, bigabije imihanda umunsi ugira gatatu w’umunsi wa Kane nyuma yuko abapolisi b’abazungu bishe bunyamaswa uyu George Floyd w’umwirabura. Yiciwe mu mujyi wa Minneapolis muri Leta ya Minnesota ho muri Leta Zunze Ubumwe za Amerika.

Ubushyamirane bukomeye bwarakomeje, umuntu umwe arapfa mu mujyi wa Minneapolis kuri uyu wa kane. Ni inyuma y’ijoro rigira kabiri ry’imyigaragambyo y’abantu bashavujwe n’iyicwa ry’umwirabura George Floyd wari mu maboko y’aba Polisi.

Abari mu myigaragambyo nkuko ijwi rya Amerika dukesha iyi nkuru ribivuga, barwanye na Polisi, barasahura, batwika amangazini mw’ijoro ryo ku musi wa gatatu ryashyiriye ku musi wa kane mu mujyi wa Minneapolis. Igipolisi cyakoresheje ibyuka biryana mu maso n’amasasu y’amashashi atica kugira ngo gihagarike ibyarimo birangizwa.

Iyindi myigaragambyo, iteganijwe kuri uyu munsi wa Gatanu ku rupfu rwa George Floyd. Uyu George Floyd, yari afite imyaka 46 y’amavuko, n’umwe mu birabura batari bake muri Amerika bishwe n’abapolisi b’abazungu mu buryo budasobanutse. Hari abatari bake bavuga ndetse bakanandika mu buryo butandukanye ko ibi bikorwa ari ironda ruhu rigirirwa Abirabura bo muri Amerika rikozwe na bamwe mu bazungu.

Amashuhso ya video yafashwe n’umuntu wihitira ku musi wa mbere, yerekanye Floyd arimo amapingu, yabuze umwuka igihe umupolisi yari amupfukamyeho, yamushinze ivi kugikanu. Yamushinjaga ko yakoresheje inoti y’idolari 20 yiganywe ku kintu yari aguze.

George Floyd, nyuma y’iminota itanu umupolisi amupfukamye ku ijosi n’ivi, ntiyongeye kwinyagambura. Yajyanwe mu bitaro aho byatangajwe ko yitabye Imana. Abakora imyigaragambyo basaba ko haba ubutabera ku rupfu rwa Gerorge Floyd. Basaba ko umupolisi wamwishe na bagenzibe bari kumwe bafatwa, bagakurikiranwaho ibyaha bakoze kandi bagahanwa.

Urupfu rwa Gerge Floyd, rwababaje ndetse rushengura benshi mu byamamare barimo nka; Joe Biden wahoze ari Visi perezida wa Amerika, umwongereza w’umunyamideri witwa Naomi Campbell, Umuririmbyi ukomeye Justin Bieber, Umuririmbyi Ciara, Umunyafurika Demi Lavato, Umugande Robert Kyagulanyi uzwi nka Bobi Wine n’abandi. Aba bose banyuze ku mbuga nkoranyambaga bakoresha zitandukanye, bamaganye urupfu rwa George Floyd wishwe n’umupolisi w’umuzungu.

Munyaneza Theogene / intyoza.com