Ikigo cya Leta ya Canada gishinzwe imipaka, kivuga ko cyaburiye irengero abantu basaga ibihumbi 34 bagombaga gutahukanwa mu bihugu byabo nyuma y’uko basabye ubuhungiro bakabwimwa. Canada yo ivuga ko yari yarangiye iki kigo gutahukana aba bantu mu bihugu byabo.

Ikigo cya Leta gishinzwe imipaka cyangwa se abinjira n’abasohoka muri Canada gitangaza ko cyabuze irengero ry’abanyamahanga basaga ibihumbi 34 bari ku rutonde rw’abagombaga gutahukanwa mu bihugu byabo nyuma yo kwimwa ubuhungiro.

Abo banyamahanga, bagizwe ahanini n’abasabye ubuhungiro bwo kuba muri iki gihugu nyuma bakabwimwa. Iki kigo cyabitangarije inteko ishinga amategeko y’iki gihugu kuri uyu wa Gatatu tariki 08 Nyakanga 2020.

Igihugu cya Canada nkuko ijwi rya Amerika dukesha iyi nkuru ribitangaza, cyatangaje ko cyari cyangiye iki kigo gutahukana abimwe ubuhungiro bava mu bihugu 15, birimo Afuganistani, Repubulika iharanira Demokarasi ya Kongo, Haiti na Iraki.

Canada yakiriye imibare iri hejuru y’abantu basaba ubuhungiro mu myaka ishize, imibare yavuye ku bantu ibihumbi 50 mu mwaka wa 2017 bagera ku bantu ibihumbi 64 mu mwaka wa 2019.

Munyaneza Theogene / intyoza.com